केएल राहुल : भारतीय संघाला पुढील महिन्यात वेस्ट इंडिज दौऱ्यावर जायचे आहे. जिथे टीम इंडियाला 2 कसोटी, 3 वनडे आणि 5 T20 सामने खेळायचे आहेत. हा दौरा 12 जुलैपासून सुरू होणार असून, भारतीय संघाला प्रथम 2 कसोटी सामन्यांची मालिका खेळावी लागणार आहे. त्यासाठी 16 सदस्यीय पथकही जाहीर करण्यात आले आहे.
कसोटी मालिकेनंतर टीम इंडियाला 3 सामन्यांची वनडे मालिकाही खेळायची आहे. त्यासाठी 17 सदस्यीय पथकाची घोषणा करण्यात आली आहे. टीम इंडियाचा अनुभवी खेळाडू केएल राहुल दुखापतीतून सावरलेला नाही. त्यामुळे त्याचे नाव संघात नाही. त्याच्या जागी स्टार यष्टीरक्षक फलंदाजाचे संघात पुनरागमन झाले आहे.
भारतीय संघाचा अनुभवी खेळाडू केएल राहुलला आयपीएलमध्ये दुखापत झाली होती. ही दुखापत इतकी गंभीर होती की त्याला आयपीएल 2023 मधून माघार घ्यावी लागली. वेस्ट इंडिज दौऱ्यासाठी निवडलेल्या वनडे संघात केएल राहुलचे नाव नाही. त्याच्या जागी स्टार यष्टीरक्षक संजू सॅमसनला वनडे संघात स्थान देण्यात आले आहे.
संजू शेवटचा श्रीलंकेविरुद्धच्या टी-20 मालिकेत खेळताना दिसला होता. जिथे तो क्षेत्ररक्षण करताना जखमी झाला. यानंतर तो थेट आयपीएल 2023 मध्ये खेळताना दिसला. संजू सॅमसन आयपीएल 2023 मध्येही जबरदस्त फॉर्ममध्ये होता.
यामुळे त्याला वनडे संघात स्थान देण्यात आले आहे. केएल राहुलच्या जागी जर संजू सॅमसनने वेस्ट इंडिजविरुद्धच्या वनडे मालिकेत चांगली कामगिरी केली, तर त्याला २०२३च्या विश्वचषकात केएल राहुलपेक्षा प्राधान्य दिले जाऊ शकते.
2015 साली टीम इंडियासाठी पदार्पण करणाऱ्या संजू सॅमसनने टीम इंडियासाठी आतापर्यंत एकूण 11 एकदिवसीय सामने खेळले आहेत. ज्यामध्ये त्याने 66 च्या दमदार सरासरीने 330 धावा केल्या आहेत. 2 अर्धशतकांसह. संजू सॅमसनने वेस्ट इंडिज दौऱ्यावर स्वत:ला सिद्ध केल्यास २०२३ च्या वर्ल्ड कपसाठी टीम इंडियाचा यष्टीरक्षक म्हणून समावेश केला जाऊ शकतो.