SA vs SL: एकदिवसीय विश्वचषकाचा चौथा सामना भारतात दक्षिण आफ्रिका आणि श्रीलंका (SA vs SL) यांच्यात दिल्लीच्या मैदानावर खेळला जात आहे. या सामन्यात श्रीलंकेच्या संघाचा कर्णधार दासुन शनाकाने नाणेफेक जिंकून प्रथम गोलंदाजी करण्याचा निर्णय घेतला.
प्रथम फलंदाजी करण्यासाठी आलेल्या दक्षिण आफ्रिकेने तीन फलंदाजांनी झळकावलेल्या शतकांमुळे दक्षिण आफ्रिकेने श्रीलंकेविरुद्ध 50 षटकांत 5 गडी गमावून 428 धावा केल्या. दक्षिण आफ्रिकेकडून क्विंटन डी कॉक, रॅसी व्हॅन डर डुसेन आणि अॅडम मार्कराम यांनी शतके झळकावली. लक्ष्याचा पाठलाग करताना श्रीलंकेचा संघ 326 धावा करू शकला नाही आणि 102 धावांनी सामना गमावला.
विश्वचषकाच्या चौथ्या सामन्यात दक्षिण आफ्रिका संघाच्या फलंदाजांची दमदार फलंदाजी सर्वांना पाहायला मिळाली. नाणेफेक हारल्यानंतर प्रथम फलंदाजीला आलेल्या दक्षिण आफ्रिका संघाचा कर्णधार टेंबा बावुमा विशेष काही करू शकला नाही आणि केवळ 8 धावा करून बाद झाला.
मात्र यानंतर दक्षिण आफ्रिका संघाच्या फलंदाजांनी मागे वळून पाहिले नाही आणि भरपूर धावा केल्या. सर्वप्रथम यष्टिरक्षक फलंदाज क्विंटन डी कॉकने शानदार शतक झळकावले आणि 84 चेंडूत 100 धावा केल्या. यानंतर रॅसी व्हॅन डर डुसेनने 110 चेंडूत 108 धावा केल्या.
त्याचवेळी चौथ्या क्रमांकावर फलंदाजीला आलेला युवा फलंदाज अॅडम मार्करामने तुफानी फलंदाजी करत अवघ्या 54 चेंडूत 106 धावा करत दक्षिण आफ्रिकेची धावसंख्या 428 धावांवर नेली. श्रीलंकेकडून दिलशान मधुसंकाने सर्वाधिक 2 बळी घेतले.
श्रीलंकेचा १०२ धावांनी पराभव झाला श्रीलंकेविरुद्ध दक्षिण आफ्रिकेने शानदार फलंदाजी करत लंकेच्या संघासमोर 429 धावांचे मोठे लक्ष्य ठेवले होते. त्याला प्रत्युत्तर देताना श्रीलंकेच्या संघाने चोख प्रत्युत्तर दिले आणि कुशल मेंडिस आणि चारिथ असालंका यांनी संघातर्फे उत्कृष्ट खेळी केली.
मात्र असे असतानाही श्रीलंकेचा संघ हा सामना जिंकू शकला नाही. श्रीलंकेसाठी कुशल मेंडिसने केवळ 42 चेंडूत 76 धावा केल्या तर चरित असलंकाने 65 चेंडूत 79 धावा केल्या. श्रीलंकेच्या संघाचा कर्णधार दासुन शनाका यानेही ६८ धावांची खेळी केली पण यानंतरही संघाचा १०२ धावांनी पराभव झाला.
