वीरेंद्र सेहवाग : 12 वर्षांनंतर भारतात वर्ल्ड कपचे आयोजन होत आहे. विश्वचषक मायदेशात खेळला जात आहे, त्यामुळे चाहत्यांना टीम इंडियाकडून मोठ्या अपेक्षा आहेत. सामन्यापूर्वी चाहत्यांसोबत माजी दिग्गज खेळाडूही आपले अंदाज मांडत आहेत. माजी सलामीवीर वीरेंद्र सेहवागने टीम इंडियाबाबत धक्कादायक खुलासा केला आहे. रोहित शर्माच्या नेतृत्वाखालील भारतीय संघालाही त्याने मेगा इव्हेंटपूर्वी एक मोठी सूचना दिली आहे.
2023 च्या विश्वचषकापूर्वी माजी भारतीय खेळाडू वीरेंद्र सेहवागने टीम इंडियाला वर्ल्ड चॅम्पियन बनण्याची रेसिपी दिली आहे. सांघिक एकजुटीशिवाय तुम्ही विश्वविजेते होऊ शकत नाही, असे त्यांचे मत आहे. त्याने भारतीय खेळाडूंना एकजुटीने खेळण्याचा सल्ला दिला आहे.
विश्वचषक 2203 बद्दल बोलताना माजी खेळाडू म्हणाला, “जर भारतीय संघाला 2023 चा विश्वचषक जिंकायचा असेल तर त्यांना कोणत्याही दबावाशिवाय एकत्र खेळावे लागेल.” वीरेंद्र सेहवागने 2007 टी-20 वर्ल्ड कप आणि 2011 च्या वनडे वर्ल्ड कपमध्ये टीम इंडियासाठी महत्त्वाची भूमिका बजावली आहे.
2019 च्या विश्वचषक स्पर्धेत भारतीय संघाला न्यूझीलंडकडून पराभवाचा सामना करावा लागला होता पण यावेळी चाहत्यांना भारतीय संघाकडून खूप अपेक्षा आहेत. भारतीय संघ 8 ऑक्टोबरपासून विश्वचषक 2023 मध्ये आपल्या मोहिमेला सुरुवात करेल, जिथे त्याचा सामना ऑस्ट्रेलियाशी होईल.
हा सामना चेपॉक स्टेडियम, चेन्नई येथे होणार आहे. भारत आणि पाकिस्तान यांच्यातील सामना 14 नोव्हेंबरला अहमदाबादमध्ये होणार आहे. केवळ भारताचेच नाही तर जगभरातील चाहते या सामन्याची वाट पाहत आहेत. विश्वचषक २०२३ साठी भारतीय संघ असा आहे.
रोहित शर्मा (कर्णधार), हार्दिक पंड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, इशान किशन आणि सूर्यकुमार यादव..
