शोएब अख्तर : दोन्ही देशांच्या क्रिकेट चाहत्यांना टीम इंडिया आणि पाकिस्तान यांच्यातील सामना पाहायला आवडतो. वर्ल्ड कप 2023 मध्ये देखील टीम इंडिया आणि पाकिस्तान यांच्यात 14 ऑक्टोबर रोजी अहमदाबादच्या नरेंद्र मोदी स्टेडियमवर सामना होणार आहे.
पाकिस्तानचा माजी वेगवान गोलंदाज शोएब अख्तरने या सामन्याबाबत आपली भविष्यवाणी केली असून या सामन्यातील विजेत्याचे नाव सांगून सर्वांनाच आश्चर्याचा धक्का दिला आहे. शोएब अख्तरने भारत-पाकिस्तान सामन्यावर आपले वक्तव्य केले आहे.
शोएब अख्तरने नुकतेच स्टार स्पोर्ट्स शोमध्ये भारत-पाकिस्तान विश्वचषक सामन्याबद्दल बोलताना असे सांगितले आम्ही 2011 च्या विश्वचषकातील पराभवाचा बदला घेऊ आणि 2023 ची ट्रॉफी अहमदाबादमध्ये जिंकू. “आम्ही पाकिस्तानी आधीच याची कल्पना करत आहोत.”
पाकिस्तान क्रिकेट संघाची सर्वात मोठी ताकद म्हणजे त्यांची वेगवान गोलंदाजी. पाकिस्तान संघात शाहीन आफ्रिदी, हारिस रौफ, नसीम शाह असे भक्कम गोलंदाज आहेत. जो कोणत्याही प्रकारच्या खेळपट्टीवर विरोधी संघावर दबाव टाकून विकेट घेऊ शकतो.
पाकिस्तानच्या फलंदाजांचा अलीकडचा फॉर्म उत्कृष्ट आहे बाबरने पाकिस्तानकडून खेळलेल्या १०९ वनडे सामन्यांमध्ये ५९.०१ च्या सरासरीने ५३७० धावा केल्या आहेत. वनडे क्रिकेटमध्ये त्याने आतापर्यंत 19 शतके झळकावली आहेत. सध्या बाबर आझम आयसीसी फलंदाजांच्या क्रमवारीत पहिल्या क्रमांकावर आहे.
पाकिस्तान संघाच्या फलंदाजीच्या क्रमाबद्दल बोलायचे झाले तर, टॉप ऑर्डरमध्ये बाबर आझमची कामगिरी उत्कृष्ट आहे, तर मधल्या फळीत पाकिस्तानकडे इफ्तिखार अहमद आणि मोहम्मद रिझवानचा पर्याय आहे.
मोहम्मद रिझवानने गेल्या २७ एकदिवसीय सामन्यांमध्ये ७ अर्धशतके आणि २ शतके झळकावली आहेत, तर इफ्तिखारने नुकत्याच झालेल्या एकदिवसीय सामन्यांमध्येही चांगली कामगिरी केली आहे. पाकिस्तान संघाकडे खालच्या मधल्या फळीत शादाब खान आणि मोहम्मद नवाज यांचाही पर्याय आहे, जे शेवटच्या काही षटकांमध्ये येऊन संघासाठी जलद धावा करू शकतात.
विश्वचषक 2023 साठी पाकिस्तानचा संभाव्य संघ बाबर आझम (कर्णधार), इमाम उल हक, फखर जमान, सौद शकील, इफ्तिखार अहमद, मोहम्मद रिझवान (यष्टीरक्षक), शादाब खान, आगा सलमान, उसामा मीर, मोहम्मद नवाज, शाहीन शाह आफ्रिदी, नसीम शाह, हरिस रौफ, मोहम्मद वसीम जूनियर आणि फहीम अश्रफ