झी मराठी वाहिनीवरील ‘माझी तुझी रेशीमगाठ’ या मालिकेनं अल्पावधीत प्रेक्षकांच्या मनात पक्के स्थान निर्माण केले. अतिशय रंजक अशा ट्विस्ट ने भरपूर असणारी यश आणि नेहाची प्रेमकहाणी चाहत्यांना भुलवण्यात यशस्वी ठरली. आणि या लव्हस्टोरीला चार चाँद लावले ते परीच्या निरगसतेने.. अतिशय क्यूट आणि मनाला स्पर्शणारे कथानक असणारी ही मालिका अतिशय लोकप्रिय ठरली.
पण अचानक पणे ही मालिका बंद करण्याचा निर्णय मालिकेच्या निर्मात्यांनी घेतला पण याला चाहत्यांनी प्रखर विरोध दर्शवत पुन्हा मालिका सुरू करायला लावली पण आता ही मालिका चाहत्यांचा निरोप घेणार असल्याच्या बातम्या सोशल मीडियावर व्हायरल होत आहेत.
दरम्यान, मालिकेत नेहाचे पात्र साकारणारी अभिनेत्री प्रार्थना बेहेरे कायमच सोशल मीडियावर सक्रिय असते. ती अनेकदा आपले फोटो आणि व्हिडिओ चाहत्यांसोबत शेअर करत असते. चाहतेही तिच्या फोटोंवर भरभरून प्रतिक्रिया देत असतात. मात्र प्रार्थनाचा एक व्हिडिओ पाहून चाहतेही आश्चर्यचकीत झाले आहेत. तिचा एक प्रार्थनाने तिचा एक व्हिडिओ चाहत्यांसोबत शेअर केला आहे ज्यात ती अनवाणी पायांनी भर उन्हात धावताना दिसत आहे. तिचा हा व्हिडिओ पाहून चाहते संभ्रमात पडले आहेत मात्र प्रार्थनाचा हा व्हिडिओ तिने मालिकेची शेवटची आठवण म्हणून शेअर केला आहे. प्रार्थनाचा मालिकेच्या शूटिंगचा शेवटचा दिवस असल्याने तिने हा व्हिडिओ शेअर केला आहे. हा व्हिडिओ चांगलाच व्हायरल होत आहे.
View this post on Instagram
दरम्यान, प्रार्थनाने शेयर केलेल्या या व्हिडिओला तिने छानसं गाणं लावलं आहे. या व्हिडिओवर नेटकऱ्यांनी अनेक प्रतिक्रिया दिल्या आहेत. झी मराठी वाले हीच मालिका का बंद करत आहेत, त्यांनी चांगलं कथानक लिहिलं असतं तर मालिका बंद करायची वेळच आली नसती, आम्ही नेहा आणि यश यांना मिस करू, आम्हाला त्यांची खुप आठवण येईल अशा शब्दात नेटकरी आपल्या प्रतिक्रिया देत आहेत.
या मालिकेचा शेवटचा सीन नुकताच शूट करण्यात आला. या सीनमध्ये अनुष्का म्हणजेच नेहा पुन्हा एकदा यशकडे परत जाताना दाखवण्यात येणार आहे. याच सिनच्या शूटिंगचा भाग असलेला हा व्हिडिओ प्रार्थनाने नेटकऱ्यांसोबत शेअर केला आहे. यात तिने लाल रंगाची साडी नेसली आहे. ती अतिशय सुंदर दिसत आहे. मात्र ती या साडीत भर उन्हात धावत आहे. धावताना हिल्स तुटल्याने ती चपला हातात घेते आणि पुन्हा उन्हात धावू लागते. तिचा हा व्हिडिओ नेटकऱ्यांमध्ये व्हायरल झाला आहे.
दरम्यान, मालिका बंद होणार असल्याने चाहत्यांमध्ये नाराजीचे वातावरण पहायला मिळत आहे.