छोटया पडद्यावर गेल्या १४ वर्षांपासून चाहत्यांचे मनोरंजन करत आलेल्या तारक मेहता का उल्टा चष्मा या मालिकेचे अनेक चाहते आहेत. या शोमधील प्रत्येक पात्र हे लोकांच्या रोजच्या आयुष्याचा अविभाज्य भाग बनले आहेत. दरम्यान, गेल्या काही काळात शोबाबत वाईट बातम्या समोर येत आहेत. शोमधील लाडक्या कलाकारांनी शोमधून एक्झिट घेतल्यामुळे चाहते नाराज झालेले आढळले.
दरम्यान सर्वांच्या लाडक्या दयाबेन शी संबंधित एक बातमी सध्या व्हायरल होते आहे. दिशा वकानीला घशाचा कॅन्सर झाल्याच्या बातम्या समोर आहेत. दिशाला घशाचा कर्करोग झाल्याचा दावा अनेक अहवालांमध्ये करण्यात आला आहे. ती घशाच्या कॅन्सरशी झुंजत आहे. त्यांच्या ‘दयाबेन’ या व्यक्तिरेखेमुळे त्यांना घशाचा कर्करोग झाल्याचे बोलले जात आहे. मात्र, याबाबत कोणतीही पुष्टी करण्यात आलेली नाही.
दरम्यान, ‘तारक मेहता का उल्टा चष्मा’मध्ये जेठालालची भूमिका साकारणारे दिलीप जोशी म्हणाले की, सोशल मीडियावर दिशा वकानीबद्दलच्या बातम्या जेव्हापासून व्हायरल होत आहेत. तेव्हापासून त्यांना सतत फोन येत होते. दिलीप जोशी म्हणाले की, सोशल मीडियावर हास्यास्पद बातम्या व्हायरल होत आहेत ज्याचा प्रचार करणे आवश्यक आहे. ही अफवा असल्याचे त्यांनी सांगितले. त्यामुळे यागोष्टी कडे लक्ष देण्याची काहीच गरज नाही.
त्याचवेळी शोचे निर्माते असित मोदी म्हणाले, ‘दिशा वाकाणीला कॅन्सरबाबत कोणतीही माहिती नाही. लोक अशा बातम्या सोशल मीडियावर लाईक्स आणि क्लिक बिटसाठी टाकल्या जातात. कॅन्सर तंबाखूच्या सेवनाने होतो, मिमिक्री केल्याने नाही.”
गेल्या काही दिवसांपासून दिशा वाकानी पुन्हा एकदा या शोमध्ये दयाबेनच्या भूमिकेत झळकणार असल्याच्या बातम्या येत आहेत. दिशाने २०१० मध्ये एका मुलाखतीत सांगितले होते की, “प्रत्येक वेळी तोच आवाज कायम राखणे खूप कठीण होते, परंतु ही देवाची कृपा आहे की तिच्या आवाजाला कधीही हानी पोहोचली नाही.”
दरम्यान, दिशाने साल २०१७ मध्ये प्रसूती रजेवर गेली होती आणि तेव्हापासून ती शोमध्ये परतली नाही. त्याच्या री-एंट्रीबाबत रोज काही ना काही बातम्या येत राहतात. शोमध्ये तिच्या री-एंट्रीबाबत रोज काही ना काही बातम्या येत राहतात. पण ती आता दुसऱ्यांदा आई बनली आहे त्यामुळे तिला आता शोमध्ये परतणे तितकेच कठीण झाले आहे. पण तिला ही शोमध्ये येण्याची इच्छा आहे अशा बातम्या समोर येत आहेत. त्यामुळे आता खरे काय नि खोटे काय हे येता काळच ठरवेल.